كيف تجد العميل المحتمل

نجـاح شركتك في المستقبل معتمـد بشكل أساسي على “عميلك المحتمـل”.
والنهـارده د.إيهاب مسلم هيقولك إزاي تقدر تصل لـه بطرق صحيحة وناجحـة.🎯
1️⃣ السلسة اللانهائية Endless chain:
لما العميل يكسب ثقتك، هتلاقيه تلقائياً بيوزّع رقم شركتك على أصدقائه ومعارفه، وبالتالـي هتقدر بكل سهولة تصل لعملائك المحتملين، عرفت بقى أهمية احترام العميل وكسب ثقته؟!😉
2️⃣ طرق الأبواب Door knocking:
هو إنك تبحث عن الأماكن الموجود فيها أشخاص مهتمين بشراء منتجك. 🔎
فمثلاً: لو إنت بتبيع خامات التعبئة، أكيد أول مكان هيجي في بالك هي المصانع المهتمة بالتعبئة، ساعتها لازم تجيب كل بيانات المصانع دي وتحاول تستهدفها وتعرض منتجاتك عليها.
3️⃣ البحث عن العميل على الانترنت E-prospecting:
تُـعتبر من أهم الخطوات للحصول على العميل المحتمل، وبتتـم من خلال طرق كتير، أهمها:
📍 استخدام طرق مميزة لجذب العميل بحيث هو اللي يطلب التعامل معاك بسبب ثقته فيك، ودا ما يُعرف بـ “Inboud”.
📍 البحث عن العملاء على منصات التواصل الاجتماعي، مثلاً: فيسبوك، ,وبدء التواصل معهم ودا يُـعرف بـ “outbound”.
📍 البحث على جوجل “Google research”.
4️⃣ المعـارض Tradeshows:
حاول إنك تستخدم المعارض كوسيط يساعدك على الاتصال بينك وبين العملاء المحتملين.
مثلاً: مندوب المبيعات ينزل المعرض ويعرض عينات مجانية من المنتجات، دا هيساعدك في جذب العملاء المحتملين. ✅
5️⃣ شراء القوائم Purchase lists:
من مصادر كتير، زي: النقابات والجمعيات والغـرف التجارية، مع مراعاة عدم اقتحام خصوصيات العملاء، واعطاؤهم اختيار عدم الازعاج.
مثلاً: لو عايز تصل لدكاترة الرمد في محافظة معينة لعرض أجهزة طبية لهم، بتروح لنقابة الأطباء وتطلب قائمة بأسماء الدكاترة وأماكنهم.🗒