إهمال الشركة للموظفين

إهمال الشركة للموظفين ممكن يؤدي إلى خسارة الشركة، إزاي؟!
أكثر الأخطاء شيوعاً بتعملها الشركات الناشئة إنها بتهمل قسم “الموارد البشرية” المسئول عن موظفي الشركة أو ما يطلق عليهم “رأس المال البشري_Human Capital”. الموظغون  في الشركة أهم من الفلوس والمعدات وموقع الشركة ونجاح الشركة قائم بشكل أساسي عليهم.
قسم الموارد البشريـة مسئول عن مهام عديدة ممكن تقسيمها الى 3 مجموعات أساسية:
1) التوظيـف:
لازم يكون في أسُس معينة لاختيار الموظفين الكفاءة القادرين على تحقيق أهداف الشركة.
خليك دايماً فاكر إن سوق العمل زي أي سوق، هتلاقي فيه البضاعة الكويسة والرديئة، فمتجيش تحدد رواتب قليلة وتبقى في نفس الوقت عايز أفضل العناصر!
2) إدارة الأداء:
أكتر الحجات اللي تخلّي الموظف يستمر في العمل بالشركة هو وجود “system” لتقييم الأداء الوظيفي، وتقييم الأداء دا لازم يتم بشكل “موضوعي” أو “قابل للقياس_measurable”.
مثلاً: موظف خدمة العملاء لازم يتصل بـ 10 عملاء في اليوم، لو اتصل ب 7 عملاء كدا ياخد 7 من 10.
3)الاحتفاظ بالكفاءات:
زي ما إدارة الموارد البشرية بتهتم بتعيين موظفين جداد للشركة، لازم تهتم برفع أدائهم الوظيفي، عن طريق مناقشة أسباب انخفاض كفاءة العمل والسعي لحلها، لأن دا هيأثر على الشركة ونجاحها فيما بعد.
مسئولة عن قياس مدى رضاء الموظفين على معاملة مدير الشركة وقيمة الرواتب وتوافر العناصر المهمة لبيئة العمل.
وكلما زاد الرضاء الوظيفي، كلما زاد كفاءة الموظفين ومش هيفكروا يسيبوا الشركة ويبحثوا عن مكان تاني أفضل ودا ما يُعرف بـ”دوران العمالة_Employee turnover”.